Posts

370. NĨNGWĨLILA YU

 NĨNGWĨLILA YU (Lord, I’m coming home) 1. Nangangĩte kũasa naku, Nĩngwĩlila yu: Nĩekane na naĩ syakwa, Nĩngumbũla yu.   Chorus: Nĩngũka kwa Yesũ Nĩekewe naĩ: Nĩwakw’ie nũndũ wakwa, Nĩvike kwa Ngai.   2. Nangangĩte myaka mingĩ vyũ, Nĩngwĩlila yũ; Nĩngũĩkĩĩa, nde na nzika Ngoonĩ yakwa yu.   3. Nĩnoete nĩ kwĩthũkya vyũ, Ngoonĩ yakwa yu; Nĩngwĩtĩkĩla mũtangĩĩi Na ngoo yakwa yu.   4. Yesũ nĩwe nthembo ĩ ya w’o Yaumiw’e naĩ; Nĩngũmwĩtĩkĩla e weka Na ngoo yakwa vyũ.   5. Na kwondũ wa nthakame yake, Nĩngwĩlila yu; Nĩtw'ike mũndũ wake wa w'o Wa kũmwendaa vyũ. (Amen)

371. ANDŨ NĨTWAĨLWE

ANDŨ NĨTWAĨLWE (What can wash away my stain?) 1. Andũ nĩtwaĩlwe yu Kũsyumbũla naĩ i sitũ, Kana ngoo ithew’e vyũ Nĩ nthakame ĩ ya Yesũ.   Chorus: Ĩĩ, andũ manyai ũũ: Ngoo syĩna wathavu. Ky’ũthesya syonthe vyũ No nthakame ĩ ya Yesũ.   2. Kya ũthesya ngoo nĩ kyaũ? Nĩ nthakame ĩ ya Yesũ; Vaiĩ kĩngĩ kĩtonya, No nthakame ĩsu yoka.   3. Nĩtwathooewe ũvoo, Nĩ nthakame ĩ ya Yesũ: Ngai nake, akĩĩvwa vyũ Nĩ nthakame, ĩ ya Yesũ. (Amen)

372. ĨĨ NINYĨE MŨNDŨ MWENE NAĨ

ĨĨ NINYĨE MŨNDŨ MWENE NAĨ (More about Jesus) 1. Ĩĩ ninyĩe mũndũ mwene naĩ, Maũndũ makwa onthe mai, Nĩĩk’ata namo yu Kana ĩ ngoo ĩthew’e vyũ?   Chorus: Ĩĩ, Yesũ nũtonya, Na Yesũ nũkwenda, Yesũ nũtonya kũsyumya Wathe na naĩ sya ngoo yakwa.   2. Mwene mavĩtyo ninyĩoo, Mausũĩte ngoo mũno; Nĩĩk'ata namo yu, Kana i ngoo ithew’e vyũ?   3. Ala mawendi nĩ namo, Onthe mathũkĩte mũno, Nĩĩk’ata namo yu, Kana ĩ ngoo ĩthew’e vyũ? (Amen)

373. NĨNGWĨW’A WASYA WAKU

NĨNGWĨW’A WASYA WAKU (I hear thy welcome voice) 1. Nĩngwĩw’a wasya waku, Yesũ, Mwĩaĩi wakwa, Nũũmbĩta nyĩe nũke kwaku Na naĩ syonthe syakwa.   Chorus: Nyĩe nĩnũkĩte Kwaku ĩĩ. Yesũ; Nĩnũkĩte ũnthambye Na nthakame yaku.   2. Ngoo ĩno yakwa nĩ mbou Yĩũthũku na ngũlũ, Nĩnũkĩte na ngoo ĩno ĩthew'e vyũ nue.   3. Nĩnũkĩte, mũndũ ngya, ũte vinya na ũĩ. Ta kyonze na kĩlilinda, Nĩvoye tei kwaku. (Amen)

374. AĨVA MŨIITI ŨLA

AĨVA MŨIITI ŨLA (The great physician) 1. Aĩva, mũiiti ũla ũtonya yu kũndiita? Aĩva, wa kũndiita ngoo? Ambosye wathe wakwa?   Chorus: Etawa Yesũ, Mwovosya, Nĩwe ũtony'ũiita ngoo Naĩ na wathe ivow’e, ũkĩmwĩtĩkĩla.   2. Aĩva, ũla ũtonya Kũtethya al'avũthũ; Avuukye ngoo sya avinyu. Amekĩe vinya mwingĩ?   3. Nĩwe ũtonya kũvuũkya, Etawa Yesũ mũtethya, Al’ avinyu n’ avũthũ, Amekĩe vinya.   4. Aĩva ũla ũtonya Kũnzindĩthya mothũku? Andethye myũnthĩ yonthe kũũ, Nĩkalae nĩ mũlũmu.   5. Etawa Yesũ Mũtangĩĩi; Nĩwe ũtonya, mũnthĩ ũũ, Kũmasindĩthasya vyũ Atangĩĩe onthe. (Amen)

375. OŨNDŨ NĨILYĨ

OŨNDŨ NĨILYĨ (Just as I am without one plea) 1. Oũndũ nĩilyĩ, ndĩ na wĩmilo No nthakame yaku yambĩtya. Na nũmbĩtĩte nyĩe nũke kwaku, Oyu nĩngũka kwaku, Yesũ.   2. O ũndũ nĩilyĩ, na ndyĩthing’ĩĩsya Kwĩthesya nyie mwene naĩ syakwa; Nũndũ ĩekeka nue weka, Oyu nĩngũka kwaku, Yesũ.   3. O ũndũ nĩilyĩ, nĩnĩthĩnaw’a Na kũthingithangw’a n’ũthũku; Nũndũ nũtonya kũnũnũmĩlya, Oyu nĩngũka kwaku Yesũ.   4. O ũndũ nĩilyĩ, o ta mũndũ ngya, Maũndũ makwa matyaĩle: Nĩwĩanĩasya vata wakwa, Oyu nĩngũka kwaku Yesũ.   5. O ũndũ nĩilyĩ, nũkũmbosa yu ũndangĩĩe nume naĩnĩ; Nũndũ nĩnĩĩkĩĩe matho maku, Oyu nĩngũka kwaku Yesũ. (Amen)

376. MWĨYUMYA MŨSYOKEE YESŨ

  MWĨYUMYA MŨSYOKEE YESŨ (Return o wanderer) 1. Mwĩyumya, mũsyokee Yesũ, Ngai nũnũũkwĩta yu; Eka kũthi kĩvindunĩ Ve na wanangĩko. Syoka! Syoka!   2. Mwĩyumya, mũsyokee Yesũ, Veva nũnũũkwĩta; Ekũtavya, syoka oyu, Wĩ mwendwa wa Yesũ. Syoka! Syoka!   3. Mwĩyumya, mũsyokee Yesũ, Eka kwaa matũ, we. Wakw’a ndũkona ũseo. No thĩna mũthei vyũ. Syoka! Syoka! (Amen)